მედია: უკრაინულმა დრონებმა სარატოვის ნავთობგადამამუშავებელი ქარხანასა და თათრეთის ნავთობქიმიური საწარმო დაბომბეს
იმედი|imedinews.ge
უკრაინულმა დრონებმა გვიან ღამით რუსეთის სარატოვის ნავთობგადამამუშავებელ ქარხანასა და თათრეთის რესპუბლიკაში მდებარე ნავთობქიმიურ საწარმოზე იერიში მიიტანეს.ინფორმაციას უკრაინული მედია ავრცელებს.
ადგილობრივების ცნობით, სარატოვის ნავთობგადამამუშავებელ ქარხანას დრონების დარტყმის შედეგად ცეცხლი გაუჩნდა. მანამდე სარატოვის ოლქის გუბერნატორმა რომან ბუსარგინმა განაცხადა, რომ რეგიონში დრონებით თავდასხმის საფრთხე არსებობდა.
მედიის ცნობით, სარატოვი უკრაინის აღმოსავლეთით, ლუგანსკის ოლქთან რუსეთის საზღვრიდან დაახლოებით 460 კილომეტრში მდებარეობს.
გარდა ამისა, როგორც მედია იუწყება, უკრაინულმა ძალებმა დარტყმა მიიტანეს თათრეთის ქალაქ ნიჟნეკამსკში მდებარე ნავთობქიმიურ საწარმოზეც.
გაზიარება:
იმედი
წყარო: imedinews.ge