მედია: ზელენსკიმ ტრამპს სასწრაფო წერილი მისწერა და გააფრთხილა, რომ უკრაინის რაკეტსაწინააღმდეგო თავდაცვის საშუალებების კრიტიკულ დეფიციტს განიცდის

უკრაინის პრეზიდენტმა ვოლოდიმირ ზელენსკიმ აშშ-ის პრეზიდენტს სასწრაფო წერილი გაუგზავნა, რომელშიც აფრთხილებს, რომ უკრაინის ანტისაჰაერო სისტემის, განსაკუთრებით ანტიბალისტიკური მარაგები იწურება. ინფორმაციას უკრაინული მედია ავრცელებს.

მედიის ცნობით, უკრაინის ლიდერმა ტრამპს წერილი იმ ფონზე მისწერა, როცა რუსეთმა უკრაინის წინააღმდეგ მასირებული შეტევის ახალი ტალღა წამოიწყო და საჯაროდ ემუქრება, რომ კიევზე დარტყმებს გააგრძელებს, მათ შორის „გადაწყვეტილებების მიმღებ ცენტრებზე“.

„როცა საუბარია რაკეტსაწინააღმდეგო თავდაცვაზე, ჩვენ მეგობრების იმედი გაქვს. როცა საუბარი ეხება ბალისტიკური რაკეტებისგან დაცვას, ჩვენ მხოლოდ შეერთებული შტატების იმედი გაქვს“, - აღნიშნულია ზელენსკის წერილში.

უკრაინელი ჩინოვნიკები შიშობენ, რომ Patriot-ისა და სხვა ტიპის რაკეტების შეზღუდული რაოდენობა საკმარისი არ იქნება გაუმკლავდეს რუსულ დაბომბვებს.

მედიის ცნობით, ზელენსკის წერილი თეთრ სახლს, წარმომადგენელთა პალატის სპიკერს მაიკ ჯონსონს და კონგრესის სხვა წევრებს აშშ-ში უკრაინის ელჩმა ოლგა სტეფანიშინამ მიაწოდა.