მესი მსოფლიო ჩემპიონატების ისტორიაში საუკეთესო ბომბარდირი გახდა

დალასში, ავსტრიის ნაკრების წინააღმდეგ გამართულ „ჯ“ ჯგუფის მატჩში, არგენტინის ნაკრების კაპიტანმა, ლიონელ მესიმ 38-ე წუთზე გოლი გაიტანა და მსოფლიო ჩემპიონატების ისტორიაში საუკეთესო ბომბარდირი გახდა.

აღნიშნული გოლი 38 წლის არგენტინელი ვარსკვლავისთვის მსოფლიო პირველობებზე კარიერაში მე-17 აღმოჩნდა. ამ შედეგით მესიმ გერმანიის ნაკრების ყოფილი ფორვარდი, მიროსლავ კლოზე ჩამოიტოვა, რომლის აქტივშიც 16 გოლია.

მსოფლიო ჩემპიონატების საუკეთესო ბომბარდირთა ხუთეული ამგვარად გამოიყურება:

ლიონელ მესი (არგენტინა) - 17 გოლი მიროსლავ კლოზე (გერმანია) - 16 გოლი რონალდო (ბრაზილია) - 15 გოლი გერდ მიულერი (გერმანია) - 14 გოლი კილიან მბაპე (საფრანგეთი) - 14 გოლი

აღსანიშნავია, რომ კილიან მბაპე ამჟამად მიმდინარე 2026 წლის მსოფლიო ჩემპიონატში მონაწილეობს და მესის რეკორდის გაუმჯობესების ან გათანაბრების შანსს ინარჩუნებს.

2026 წლის მსოფლიო ჩემპიონატი, რომელიც პირველად 48 გუნდის მონაწილეობით სამ ქვეყანაში - აშშ-ში, კანადასა და მექსიკაში - ტარდება, 19 ივლისს დასრულდება.