მიხაილო ფედოროვმა განაცხადა, რომ დათანხმდა იტალიის თავდაცვის მინისტრის, გვიდო კროზეტოს შეთავაზებას, გახდეს მისი მრჩეველი

უკრაინის ყოფილმა თავდაცვის მინისტრმა, მიხაილო ფედოროვმა განაცხადა, რომ დათანხმდა იტალიის თავდაცვის მინისტრის, გვიდო კროზეტოს შეთავაზებას, გახდეს მისი მრჩეველი.

„ჩემს გუნდთან ერთად დავიწყე საერთაშორისო ტურნე, რომელიც ციფრული ტრანსფორმაციისა და თავდაცვის ტექნოლოგიების მიმართულებით ახალი პროექტების განვითარებას ისახავს მიზნად. პირველი შეხვედრა იტალიის თავდაცვის მინისტრთან, გვიდო კროზეტოსთან გაიმართა. მადლობა გადავუხადე გვიდოს პირადი მხარდაჭერისა და შემოთავაზებისთვის, გავხდე მისი მრჩეველი თავდაცვითი ინოვაციების დარგში. გულწრფელად მადლიერი ვარ ამ ნდობისა და მჭიდრო სტრატეგიული პარტნიორობისთვის“, - აღნიშნა ფედოროვმა.

ექს-მინისტრის განმარტებით, ახალ პოსტზე იგი იტალიურ მხარეს თანამედროვე საომარი ტექნოლოგიების დანერგვაში, თავდაცვის სექტორის ოპტიმიზაციასა და გლობალური უსაფრთხოების ახალ გამოწვევებზე ეფექტიან რეაგირებაში დაეხმარება.