მოკრივე ალექსანდრ უსიკმა განაცხადა, რომ უკრაინამ რუსეთთან მოლაპარაკებებზე უნდა იფიქროს

მოკრივე ალექსანდრ უსიკმა განაცხადა, რომ უკრაინამ რუსეთთან „მოლაპარაკებებზე უნდა იფიქროს“.

მისი თქმით, უკრაინა არ შეეგუება ტერიტორიების დაკარგვას, მაგრამ რადგან რუსებს და უკრაინელებს „ერთი და იგივე სისხლი აქვთ”, ქვეყნებმა მოლაპარაკებები უნდა აწარმოონ.

„პირადად ჩვენ, უკრაინელებს, არ შეგვიძლია უარი ვთქვათ იმაზე, რაც რუსეთმა წაართვა და რატომღაც წვლილი შეიტანა. ეს იგივე იქნება, თითქოს რუსეთმა ალასკა წაიღოს. მაგრამ ჩვენ უნდა მოვილაპარაკოთ. ჩვენ გვაქვს ტვინი, ერთი და იგივე სისხლი გვაქვს, წითელი. ჩვენი ეგო და ღმერთის არარსებობა ჩვენს ცხოვრებაში ყველაფერს ანადგურებს“, - განაცხადა უსიკმა.

უსიკმა ეს განცხადება ვაშინგტონში გამართულ ღონისძიებაზე გააკეთა, სახელწოდებით „ამერიკის მოწინააღმდეგეები: რუსეთის რეალობა“, რომელსაც ესწრებოდნენ უკრაინაში ტრამპის ყოფილი წარმომადგენელი, გენერალი კიტ კელოგი და მრავალი სხვა ამერიკელი ოფიციალური პირი და სენატორი.

უსიკი ასევე ვაშინგტონში დონალდ ტრამპს შეხვდა.

Після аудієнції у Трампа, мультимільйонер Усик дав інтервʼю. В якому, фактично, визнав, що збирається балотуватись у президенти #Україна: "Я нижче президента не збираюся нікуди йти". Кілька разів наголосив, що хоче "присвятити свій час службі українському народові та праці на… https://t.co/81Q9CrDdzv pic.twitter.com/BB2DoKKVyq — Wenden (@WendenGall) June 13, 2026

">TWITTER POST