მოლდოვის პარლამენტმა ენერგეტიკულ და ჰიდროტექნიკურ სექტორებში 60 დღის ვადით საგანგებო მდგომარეობის შემოღებას მხარი დაუჭირა

მოლდოვის პარლამენტმა ენერგეტიკულ და ჰიდროტექნიკურ სექტორებში 60 დღის ვადით საგანგებო მდგომარეობის შემოღებას მხარი დაუჭირა. აღნიშნული გადაწყვეტილების მიზეზი გაზსა და საწვავზე ფასების მკვეთრი ზრდა, ასევე მდინარე დნესტრში წყლის დონის კლება გახდა.

საკანონმდებლო ორგანოში ინიციატივას მხარი 54-მა დეპუტატმა დაუჭირა, 20 წინააღმდეგ წავიდა, ხოლო 22-ს კენჭისყრაში მონაწილეობა არ მიუღია. საგანგებო მდგომარეობის რეჟიმი ძალაში 26 სექტემბრიდან შევა.

მოლდოვის პრემიერ-მინისტრის, ვასილე ტოფანის განმარტებით, ქვეყანა ენერგო და წყალმომარაგების კრიზისის საფრთხის წინაშე რამდენიმე ფაქტორის გამო აღმოჩნდა - მათ შორის არის ირანსა და უკრაინაში მიმდინარე ომები, ასევე გვალვა, რამაც ჰიდროელექტროსადგურების მუშაობაზე უარყოფითად იმოქმედა.

მანამდე, ეროვნული უსაფრთხოების საბჭოს სხდომის შემდეგ, ქვეყნის პრეზიდენტმა, მაია სანდუმ განაცხადა, რომ უწყებამ მთავრობასა და პარლამენტს საგანგებო მდგომარეობის გამოცხადების რეკომენდაციით მიმართა, რათა აღმასრულებელ ხელისუფლებას ოპერატიული რეაგირებისთვის საჭირო ბერკეტები ჰქონოდა.