მსოფლიო ჩემპიონატის გახსნითი მატჩი: მექსიკა - სამხრეთ აფრიკა, ოფიციალური შემადგენლობები ცნობილია
2026 წლის მსოფლიო ჩემპიონატის გახსნით მატჩში მასპინძელი მექსიკის ნაკრები სამხრეთ აფრიკას უპირისპირდება. მწვრთნელებმა, ხავიერ აგირემ და ჰუგო ბროსმა, თავიანთი შემადგენლობები უკვე დაასახელეს.
მასპინძელთა თავკაცი ხავიერ აგირე შეტევაზე ორიენტირებულ ტაქტიკას ირჩევს, სადაც წინა ხაზს გამოცდილი რაულ ხიმენესი უხელმძღვანელებს. კარს ახალგაზრდა რაულ რანხელი დაიცავს, ხოლო ედსონ ალვარესი მატჩს სათადარიგო სკამიდან დაიწყებს.
🇲🇽 ძირითადი შემადგენლობა: რაულ რანხელი, სესარ მონტესი, ხოან ვასკესი, ისრაელ რეიესი, ხესუს გალიარდო, ერიკ ლირა, ბრაიან გუტიერესი, ალვარო ფიდალგო, რობერტო ალვარადო, რაულ ხიმენესი, ხულიან კინონესი.
სამხრეთ აფრიკის მწვრთნელმა, ჰუგო ბროსმა აქცენტი უფრო დაცვით სქემაზე გააკეთა, რათა მასპინძელთა საწყის შტურმს გაუძლოს. გუნდის კაპიტანი და ლიდერი, მეკარე რონუენ უილიამსი სასტარტოშია, ისევე როგორც ტრავმირებულად მიჩნეული ობრი მოდიბა.
🇿🇦 ძირითადი შემადგენლობა: რონუენ უილიამსი, ობრი მოდიბა, მბეკეზელი მბოკაზი, ნკოსინათი სიბისი, ხულისო მუდაუ, იმე ოკონი, ტებოჰო მოკოენა, სპჰეპჰელო სითჰოლე, ჯეიდენ ადამსი, იკრაამ რეინერსი, ლაილ ფოსტერი.
იმედი
წყარო: imedinews.ge