მცხეთის მუნიციპალიტეტის სოფელ წილკანში შიდა საუბნო გზის კეთილმოწყობის სამუშაოები მიმდინარეობს
იმედი|imedinews.ge
მცხეთის მუნიციპალიტეტის სოფელ წილკანში შიდა საუბნო გზის კეთილმოწყობის სამუშაოები მიმდინარეობს. პროექტის ფარგლებში ასფალტის საფარი იგება ვაჟა-ფშაველას, ივანე ჯავახიშვილისა და ქეთევან წამებულის ქუჩებზე.
ჯამში, სარეაბილიტაციო სამუშაოები 2 კილომეტრამდე სიგრძის გზაზე განხორციელდება. პროექტი ადგილობრივი ბიუჯეტიდან ფინანსდება. სამუშაოების სახელშეკრულებო ღირებულება 600 000 ლარამდე შეადგენს.
პროექტის მიმდინარეობას მცხეთა-მთიანეთის სახელმწიფო რწმუნებული ლევან ზაუტაშვილი, თვითმმართველობის წარმომადგენლებთან ერთად, ადგილზე გაეცნო.
გაზიარება:
იმედი
წყარო: imedinews.ge