ნატო რუმინეთში რუსული დრონის შეჭრას გმობს

ნატოს პრესსპიკერმა ელისონ ჰართმა სოციალურ ქსელ X-ში დაწერა, რომ ჩრდილოატლანტიკური ალიანსი რუმინეთში რუსული დრონის შეჭრას გმობს.

ჰართის განცხადებით, მომხდართან დაკავშირებით ნატოს გენერალური მდივანი მარკ რუტე რუმინეთის ხელისუფლების წარმომადგენლებთან მუდმივ კონტაქტზე იმყოფება.

„დღეს დილით ადრე რუმინეთში უპილოტო საფრენი აპარატი მრავალბინიან სახლს შეეჯახა იმ დროს, როცა რუსეთი საზღვართან განლაგებულ უკრაინულ ინფრასტრუქტურას უტევდა. ნატოს გენერალური მდივანი რუმინეთის ხელისუფლებასთან მუდმივ კონტაქტზეა. ჩვენ ვგმობთ რუსეთის უგუნურებას და ნატო ყველა საფრთხესთან გასამკლავებლად, უპილოტო საფრენი აპარატების ჩათვლით, საკუთარი თავდაცვის გაძლიერებას გააგრძელებს“, - წერს ჰართი.

ცნობისთვის, გვიან ღამით რუსული დრონი რუმინეთის ქალაქ გალაცში 10-სართულიან საცხოვრებელ სახლს შეეჯახა. ინციდენტის შედეგად ორი ადამიანი დაშავდა. ისინი საავადმყოფოში გადაიყვანეს.

Early this morning, an apartment building in Romania was struck by a drone as Russia attacked Ukrainian infrastructure near the border. @SecGenNATO is in touch with Romanian authorities. We condemn Russia’s recklessness, and NATO will continue to strengthen our defences against… — NATO Spokesperson (@NATOpress) May 29, 2026