ნატოს სამიტის დასრულების შემდეგ, ჩეხეთის პრემიერმა განაცხადა, რომ მისი ქვეყანა არ შეუერთდება უკრაინისთვის 140 მილიარდი ევროს საერთო ღირებულების სამხედრო მხარდაჭერის პროგრამას
იმედი|imedinews.ge
ანკარაში გამართული ნატოს სამიტის დასრულების შემდეგ, ჩეხეთის პრემიერ-მინისტრმა, ანდრეი ბაბიშმა განაცხადა, რომ მისი ქვეყანა არ შეუერთდება უკრაინისთვის 140 მილიარდი ევროს საერთო ღირებულების სამხედრო მხარდაჭერის პროგრამას. ინფორმაციას ამის შესახებ „პოლონური რადიო“ ავრცელებს.
აღსანიშნავია, რომ სამიტის შემაჯამებელ დეკლარაციაში დამტკიცდა გადაწყვეტილება, რომლის მიხედვითაც, ნატოს წევრი ქვეყნები უკრაინას უკვე მიმდინარე წელს 70 მილიარდ ევროს გადასცემენ.
აღნიშნული სახსრები მოხმარდება სამხედრო ტექნიკის მიწოდებას, დახმარების გაწევასა და სამხედრო წვრთნების ჩატარებას.
დაახლოებით ამავე მოცულობის დახმარების გამოყოფა იგეგმება 2027 წელსაც.
გაზიარება:
იმედი
წყარო: imedinews.ge