ნიკოლ ფაშინიანი: თურქეთის რკინიგზა საქართველოს გავლით, უკვე ღიაა სომხური ექსპორტისა და იმპორტისთვის. მადლობას ვუხდი ჩვენს პარტნიორებს თურქეთსა და საქართველოში კონსტრუქციული თანამშრომლობისთვის

სომხური პროდუქციის ექსპორტისა და იმპორტისთვის, აზერბაიჯანის მიმართულების შემდეგ, საქართველოს გავლით თურქეთის რკინიგზაც გაიხსნა. ინფორმაციას სომხეთის პრემიერ-მინისტრი, ნიკოლ ფაშინიანი სოციალურ ქსელში ავრცელებს.

„მოხარული ვარ გაცნობოთ, რომ აზერბაიჯანის რკინიგზის შემდეგ, თურქეთის რკინიგზა საქართველოს გავლით, უკვე ღიაა სომხური ექსპორტისა და იმპორტისთვის.

ეს ჩვენი ქვეყნის ეკონომიკური ცხოვრებისთვის უმნიშვნელოვანესი მოვლენაა. მადლობას ვუხდი ჩვენს პარტნიორებს თურქეთსა და საქართველოში კონსტრუქციული თანამშრომლობისთვის“, - წერს ფაშინიანი.

Pleased to announce that following the Azerbaijani railway, the Turkish railway via Georgia, is now open for Armenian export & import. This is a major develop for our country’s econ life. Express appreciation to our partners in Türkiye & Georgia for their constructive coop. — Nikol Pashinyan (@NikolPashinyan) May 24, 2026

">TWITTER POST