ნიკოლოზ სამხარაძე: დღეს ყველა თანხმდება, რომ საქართველოს უნიკალური როლი აქვს ევროპის ენერგეტიკული უსაფრთხოების განვითარებაში

დღეს ყველა თანხმდება, რომ საქართველოს უნიკალური როლი აქვს ევროპის ენერგეტიკული უსაფრთხოების განვითარებაში, - განაცხადა საქართველოს პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ.

მან მაგალითისთვის სლოვაკეთის პარლამენტის თავმჯდომარის ციტირება მოახდინა, რომელმაც თქვა, რომ სლოვაკეთს და ევროპას საქართველო სჭირდებათ იმისთვის, რომ ევროპის ენერგეტიკული უსაფრთხოება გარანტირებული იყოს.

„შემიძლია, სლოვაკეთის პარლამენტის თავმჯდომარის ციტირება მოვახდინო. მან თქვა, რომ სლოვაკეთს და ევროპას საქართველო სჭირდებათ იმისთვის, რომ ევროპის ენერგეტიკული უსაფრთხოება გარანტირებული იყოს. მგონი, ამაზე მკაფიო გზავნილი არ არის საჭირო, რომ მოვისმინოთ. დღეს ყველა თანხმდება, რომ საქართველოს უნიკალური როლი აქვს ევროპის ენერგეტიკული უსაფრთხოების განვითარებაში“, - განაცხადა ნიკოლოზ სამხარაძემ.

სლოვაკეთის პარლამენტის თავმჯდომარემ, რიხარდ რაშიმ საქართველოს პარლამენტის თავმჯდომარესთან, შალვა პაპუაშვილთან ერთად გამართულ ბრიფინგზე განაცხადა, რომ საქართველო ერთ-ერთი უმნიშვნელოვანესი სატრანსპორტო საყრდენია.