ნინო წილოსანი რუმინეთის პარლამენტში დაინიცირებულ კანონპროექტზე: როდესაც აღნიშნულ კანონმდებლობას ვიღებდით, სამწუხაროდ ვიყავით დიდი კრიტიკის და განკიცხვის ობიექტები ევროპელი პოლიტიკოსების მხრიდან

პარლამენტის ვიცე-სპიკერი ნინო წილოსანი „ქრონიკასთან“ რუმინეთის პარლამენტში წარდგენილ ​„ასოციაციებისა და ფონდების შესახებ“ კანონპროექტს ეხმაურება, რომელიც ორგანიზაციებს დაავალდებულებს ყოველწლიურად წარადგინონ დეკლარაცია წინა წლის ყველა შემოსავლისა და დაფინანსების წყაროების შესახებ.

მისი თქმით, ქვეყნების უფრო და უფრო დიდი ნაწილი უერთდება იმ მნიშვნელოვან ინიციატივას, რომ სუვერენული უფლებაა, ჰქონდეთ გამჭვირვალე ინფორმაცია, თუ ვინ და რატომ ხარჯავს მათ ქვეყანაში თანხებს.

„როდესაც ჩვენ აღნიშნულ [გამჭვირვალეობის შესახებ] კანონმდებლობას ვიღებდით, მათ შორის, სამწუხაროდ ევროკავშირის პოლიტიკოსების მხრიდან ვიყავით დიდი კრიტიკის და განკიცხვის ობიექტები. ვხედავთ, რომ ქვეყნების უფრო და უფრო დიდი ნაწილი უერთდება იმ მნიშვნელოვან ინიციატივას, რომ სუვერენული უფლებაა, ჰქონდეთ გამჭვირვალე ინფორმაცია, თუ ვინ და რატომ ხარჯავს მათ ქვეყანაში თანხებს“, - აღნიშნა წილოსანმა.