ნინო წილოსანი: სიმართლე აუცილებლად იპოვის თავის გზას - ის სავალალო მდგომარეობა, რომელიც ევროკავშირის სხვადასხვა ინსტიტუციაშია, შემაშფოთებელია

სიმართლე აუცილებლად იპოვის თავის გზას, - განაცხადა საქართველოს პარლამენტის თავმჯდომარის მოადგილე ნინო წილოსანმა.

დეპუტატმა „იმედის“, „რუსთავი 2“-ისა და „პოსტივისთვის“ ევროპარლამენტში საქმიანობის ერთი წლით აკრძალვასთან დაკავშირებით გააკეთა კომენტარი.

„ინფორმაცია, რომელიც საჭიროა, რომ საზოგადოებამ გაიგოს, აუცილებლად მიეწოდება მათ, თუმცა ის სავალალო მდგომარეობა, რომელიც ევროკავშირის სხვადასხვა ინსტიტუციასა თუ ბიუროკრატების ნაწილში არის, ნამდვილად შემაშფოთებელია“, - აღნიშნა წილოსანმა.

ტელეკომპანია „იმედის“ მსგავსად, ევროპარლამენტში მუშაობა 1 წლითა „რუსთავი 2“-სა და PosTV-საც აეკრძალათ. განცხადება ევროპარლამენტარმა კშიშტოფ ბრეიზამ გაავრცელა.