„ოდისეამ“ პირველ უქმეებზე მსოფლიო გაქირავებაში $264 მილიონი შეაგროვა. ეს ნოლანის ფილმებს შორის საუკეთესო სტარტია

რეჟისორ კრისტოფერ ნოლანის ფილმმა „ოდისეა“ პირველ უქმეებზე მსოფლიო მასშტაბით 264,1 მილიონი დოლარი გამოიმუშავა, - წერს გამოცემა Variety. აშშ-სა და კანადაში ფილმის შემოსავალმა 124,5 მილიონი დოლარი შეადგინა, მსოფლიო გაქირავებაში კი კიდევ 139,6 მილიონი დოლარი.

სურათმა ნოლანის კარიერაში საუკეთესო სასტარტო მაჩვენებელი აჩვენა და გადააჭარბა ფილმის „ბნელი რაინდი: აღზევება“ (2012) შედეგს, რომელმაც პირველ უქმეებზე 249 მილიონი დოლარი დააგროვა.

„ოდისეას“ წარმოება 250 მილიონი დოლარი დაჯდა. სურათის მსოფლიო გაქირავებაში 16 ივლისს გამოვიდა, მისი ჩვენება 73 ქვეყანაში დაიწყო.

ფილმის სიუჟეტი ეფუძნება ჰომეროსის პოემას და ტროას ომის შემდეგ ითაკის მეფის, ოდისევსის სახლში დაბრუნების შესახებ მოგვითხრობს. „ოდისეაში“ თამაშობენ მეტ დეიმონი, ტომ ჰოლანდი, ზენდაია, ენ ჰეთეუეი, რობერტ პატინსონი, ლუპიტა ნიონგო და შარლიზ ტერონი.