პაკისტანის პრემიერი: ისლამაბადის მემორანდუმი ძალაში შედის დაუყოვნებლივ და, როგორც პირველი ნაბიჯი, ირანი დაუყოვნებლივ გახსნის ჰორმუზის სრუტეს, ხოლო აშშ დაუყოვნებლივ მოხსნის საზღვაო ბლოკადას

ჩემთვის დიდი პატივია განვაცხადო, რომ დღეს ამერიკის შეერთებულ შტატებსა და ირანის ისლამურ რესპუბლიკას შორის ელექტრონულად მოეწერა ხელი ისტორიულ „ისლამაბადის ურთიერთგაგების მემორანდუმს“ - მემორანდუმს ხელი მოაწერეს ორივე ქვეყნის ღირსეულმა პრეზიდენტებმა, ხოლო მე, როგორც მედიატორმა, დავადასტურე იგი, - განაცხადა პაკისტანის პრემიერ-მინისტრმა, შეჰბაზ შარიფმა.

„შესაბამისი მთავრობების უმაღლეს დონეზე ამ შეთანხმების ხელმოწერა ადასტურებს ორივე მხარის ერთგულებას კონფლიქტის დიპლომატიური გზით მოგვარებისადმი. ისლამაბადის მემორანდუმი ძალაში შედის დაუყოვნებლივ და, როგორც პირველი ნაბიჯი, ირანის ისლამური რესპუბლიკა დაუყოვნებლივ გახსნის ჰორმუზის სრუტეს, ხოლო ამერიკის შეერთებული შტატები დაუყოვნებლივ მოხსნის საზღვაო ბლოკადას“, - აღნიშნა პაკისტანის მთავრობის მეთაურმა.

„დაე, ამ ურთიერთგაგების მემორანდუმმა საფუძველი ჩაუყაროს უფრო დიდ გაგებას, ურთიერთპატივისცემასა და საერთო კეთილდღეობას მთელ რეგიონში“, - დასძინა მან.