ირანმა უცხოური გემებისთვის ჰორმუზის სრუტეში 10%-იანი გადასახადი დროებით შეაჩერა
ირანმა დროებით შეაჩერა 10%-იანი მოსაკრებლის აკრეფა უცხოურ გემებზე, რომლებსაც ნავთობი, გაზი და ნავთობპროდუქტები გადააქვთ. ამის შესახებ ნახევრად ოფიციალური სააგენტო Fars-ი იუწყება.
სააგენტოს ცნობით, ირანის პრეზიდენტის მოადგილემ სამართლებრივ საკითხებში, მაჯიდ ანსარიმ, ქვეყნის ეროვნულ გაზის კომპანიას მოსაკრებლის ამოღების შეჩერება დაავალა - ვიდრე მთავრობა არ დაამტკიცებს და გამოაქვეყნებს იმ პროდუქციის ჩამონათვალს, რომელზეც ეს საგადასახადო რეგულაცია გავრცელდება.
Fars-ის ინფორმაციით, აღნიშნულმა გადაწყვეტილებამ შესაძლოა შეამციროს ენერგომატარებლების გადაზიდვის ხარჯები და გაზარდოს უცხოური საზღვაო კომპანიების დაინტერესება ირანიდან ან ირანის მიმართულებით ტვირთების გადაზიდვით.
ეს ნაბიჯი ირანმა აშშ-ის მიერ საზღვაო ნავთობის ექსპორტზე დაწესებული ბლოკადის ფონზე გადადგა, რამაც ქვეყნის ექსპორტი მნიშვნელოვნად შეაფერხა.
ფორმულა
წყარო: formulanews.ge