პალმ-ბიჩის საერთაშორისო აეროპორტს დონალდ ტრამპის სახელი მიანიჭეს

აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ ფლორიდის შტატში მდებარე პალმ-ბიჩის საერთაშორისო აეროპორტს მისი სახელი მიანიჭეს.

„ძალიან მნიშვნელოვანი დღეა ფლორიდის შტატში, პალმ-ბიჩში. ჩემთვის დიდი პატივია, რომ პალმ-ბიჩის საერთაშორისო აეროპორტს შესანიშნავი კენჭისყრის შედეგად, „პრეზიდენტ დონალდ ჯ. ტრამპის საერთაშორისო აეროპორტი“ ეწოდა“, - დაწერა ტრამპმა.

მისი თქმით, მალე აეროპორტის განახლების პროექტის განხორციელება დაიწყება, რაც მას უფრო მიმზიდველს გახდის.

„ეს ტერიტორია ძალიან პოპულარულია, ადგილმდებარეობა შესანიშნავია, ხოლო განახლების პროექტი — შთამბეჭდავი იქნება. მადლობა პალმ-ბიჩის ყველა მცხოვრებს თქვენი მხარდაჭერის, ხმისა და ნდობისთვის. მალე ეს მსოფლიოში ერთ-ერთი უდიდესი და ყველაზე შთამბეჭდავი აეროპორტი გახდება!“, - აღნიშნა თეთრი სახლის ლიდერმა.

აღსანიშნავია, რომ პალმ-ბიჩში ტრამპის მარ-ა-ლაგოს რეზიდენცია მდებარეობს.