პიტ ჰეგსეტი: ტრამპმა ჩვენი მოკავშირეები გამოცადა: მხარი დაუჭირონ ამერიკას, როცა ვთხოვთ. ძალიან ბევრმა ეს გამოცდა არ ჩააბარა

აშშ-ის თავდაცვის მდივანმა პიტ ჰეგსეტმა ბრიუსელში, ნატოს შტაბ-ბინაში სიტყვით გამოსვლისას აღნიშნა, რომ პრეზიდენტმა დონალდ ტრამპმა ირანთან ომის დროს ევროპელ მოკავშირეებს გამოცდა მოუწყო და მათი სამხედრო ბაზებით სარგებლობა სთხოვა.

როგორც ჰეგსეტმა აღნიშნა, ბევრმა მოკავშირემ ეს გამოცდა ვერ ჩააბარა, რადგან ტრამპი უარით გაისტუმრა.

„როგორც სწორად აღნიშნა პრეზიდენტმა ტრამპმა, მან ჩვენი მოკავშირეები გამოცადა: მხარი დაუჭირონ ამერიკას, როცა ვთხოვთ. ძალიან ბევრმა ეს გამოცდა არ ჩააბარა. შეერთებული შტატები ევროპას თაობების განმავლობაში იცავდა. ხოლო პრეზიდენტმა თქვა, რომ ჩვენს თვითმფრინავებს ევროპაში არსებული ბაზებიდან აფრენა და ჩვენს გემებს ევროპის პორტებით სარგებლობა დასჭირდება, რათა ახლო აღმოსავლეთში მდებარე ირანულ სამიზნეებს დაარტყას, რომლებიც ევროპულ ინტერესებს უფრო უქმნიან საფრთხეს, ვიდრე ჩვენ. თუმცა ჩვენმა ბევრმა მოკავშირემ თქვა „არა“, - განაცხადა ჰეგსეტმა.

პენტაგონის შეფის განცხადებით, ევროპელების უარი იყო სამარცხვინო.