Politico: ევროკომისია მაღალჩინოსნების სათავო ოფისის ნაცვლად წევრი სახელმწიფოების დედაქალაქებში გადანაწილების იდეას განიხილავს

ევროკომისია რეფორმას იწყებს - Politico-ს ცნობით, ორშაბათს გამართულ შიდა შეხვედრაზე განიხილეს იდეა, რომ კომისიის მაღალჩინოსნები ბრიუსელის სათავო ოფისის ნაცვლად, წევრი სახელმწიფოების დედაქალაქებში გადაანაწილონ.

მიზანი 27 სახელმწიფოსთან კავშირების გაძლიერებაა. ადამიანური რესურსების საკითხებში ევროკომისარმა პიოტრ სერაფინმა აღნიშნა, რომ კომისია მზად არის ცვლილებებისთვის, მათ შორის ახალი პერსონალის დაჩქარებული წესით ასაყვანად.

ევროკომისიის შიდა რეფორმა ბოლო 20 წლის განმავლობაში პირველად გატარდება და ის მიზნად ისახავს, რომ კომისია, გეოპოლიტიკური გამოწვევების ფონზე, უფრო ეფექტიანი გახადოს.