Politico: ევროპა უკრაინის საკითხზე რუსეთთან მომლაპარაკებლის შერჩევას ცდილობს

Politico-ს ცნობით, ევროპა ცდილობს შეარჩიოს პოლიტიკოსი, რომელიც მისი სახელით უკრაინის სამშვიდობო პროცესის ფარგლებში რუსეთთან მოლაპარაკებას წარმართავს. გამოცემა აღნიშნავს, რომ განიხილება რამდენიმე კანდიდატურა, მათ შორის გერმანიის ყოფილი კანცლერი ანგლელა მერკელი, იტალიის ყოფილი პრემიერ-მინისტრი მარიო დრაგი და ფინეთის პრეზიდენტი ალექსანდრ სტუბი.

ანგელა მერკელს, როგორც უკრაინის, ასევე რუსეთის პრეზიდენტთან დიალოგის გამოცდილება აქვს, თუმცა ევროპელთა უმეტესობა მიიჩნევს, რომ ის ადრე მოსკოვსა და კიევს შორის წარუმატებელი შუამავალი იყო. პოლიტიკოს ცნობით, სტუბი და დრაგი ევროპისთვის მისაღები კანდიდატებია, თუმცა ჯერ უცნობია, ისინი შუამავლობას დათანხმდებიან თუ არა.