POLITICO: ევროპა ზელენსკის ლექციებით დაიღალა

გამოცემა POLITICO-ს ინფორმაციით, ევროკავშირის წევრი სახელმწიფოები უკრაინის პრეზიდენტის, ვოლოდიმირ ზელენსკი ლექციებით დაიღალნენ.

როგორც გამოცემა იუწყება, უკრაინასა და ევროკავშირს შორის ურთიერთობები გაცივდა. ევროპელ მოკავშირეებს სულ უფრო ხშირად აღიზიანებთ ზელენსკის რიტორიკა და მისი ურთიერთობის მანერა.

როგორც წყაროები გამოცემას უყვებიან, ზელენსკი „ნამდვილად ფიქრობს, რომ ევროპა უკრაინის წინაშე ვალდებულია“, თუმცა ასეთ პოზიციას ყველა ევროპელი ლიდერი არ იზიარებს.

ზელენსკის ერთ-ერთმა ყოფილმა მრჩეველმა გამოცემას განუცხადა, რომ აშშ-სა და ევროკავშირს შორის არსებულმა უთანხმოებამ ზელენსკის კრიტიკა ევროპელი პარტნიორების მიმართ გააძლიერა.

POLITICO-ს ცნობით, აპრილში კვიპროსზე გამართულ ევროკავშირის არაფორმალურ სამიტზე ზელენსკიმ ევროპელი ლიდერები გააკრიტიკა იმის გამო, რომ მათ უკრაინას ბლოკში გაწევრიანების ეტაპობრივი და მრავალწლიანი გეგმა შესთავაზეს და კიევს რეფორმების გატარებისა და კორუფციასთან ბრძოლისკენ მოუწოდეს. ზელენსკიმ აღნიშნა, რომ უკრაინის ეტაპობრივი, სიმბოლური წევრობა საკმარისი არ არის.

უკრაინა „ევროკავშირში სრულუფლებიან წევრობას იმსახურებს“ და რაც შეიძლება სწრაფად, განუცხადა ზელენსკიმ ჟურნალისტებს კიევში.