Politico: კაია კალასის უწყება თვითგადარჩენისთვის იბრძვის
კაია კალასის დიპლომატიური უწყება თვითგადარჩენისთვის იბრძვის, - წერს Politico. გამოცემის ცნობით, ევროკავშირის საგარეო ქმედებათა სამსახური ფუნქციონირების შენარჩუნებას, ურსულა ფონ დერ ლაიენის ევროკომისიასთან გავლენებისთვის ბრძოლისა და შეზღუდული ბიუჯეტის ფონზე ცდილობს.
Politico-ს ანალიტიკოსი ჟურნალისტები ამ დაპირისპირებას „სამეფო კარის თამაშებს“ ადარებენ. გამოცემა წერს, რომ კომისია თანდათანობით იტაცებს დიპლომატიური სამსახურის მაღალჩინოსნებს, ითავსებს ამ ორგანოს ფუნქციებს და ურსულა ფონ დერ ლაიენის გლობალურ პროფილს აძლიერებს. საპასუხოდ კი კაია კალასის უწყებას, შეზღუდული პოლიტიკური ინსტრუმენტებით, გავლენების შენარჩუნება უჭირს.
Politico წერს, რომ ამ ბრძოლაში გამარჯვებული განსაზღვრავს, თუ როგორ გაუმკლავდება ევროკავშირი გლობალურ გამოწვევებს.
იმედი
წყარო: imedinews.ge