პოლონეთი და ლიეტუვა მზად არიან საკუთარ ტერიტორიებზე ამერიკელი სამხედროები განალაგონ
იმედი|imedinews.ge
პოლონეთის პრეზიდენტმა, კაროლ ნავროცკიმ ლიეტუვაში ვიზიტისას განაცხადა, რომ, თუ აშშ-ის პრეზიდენტი, დონალდ ტრამპი გერმანიიდან ამერიკელი ჯარისკაცების გაყვანას დააპირებს, ვარშავა მზად არის ისინი პოლონეთში მიიღოს და ამისთვის პოლონეთი საჭირო ინფრასტრუქტურასაც ფლობს.
ანალოგიური პოზიცია აქვს ლიეტუვის პრეზიდენტ გიტანას ნაუსედასაც. ნაუსედამ სამხედრო სწავლებაზე დასწრებისას თქვა, რომ ნატოს მოკავშირეებმა ყველაფერი უნდა გააკეთონ იმისთვის, რათა შეერთებული შტატები ევროპის სამხედრო პარტნიორად დარჩეს.
„თუ პრეზიდენტი დონალდ ტრამპი გერმანიაში ამერიკული სამხედრო მოსამსახურეების რაოდენობის შემცირებას გადაწყვეტს, ჩვენ პოლონეთში მზად ვართ მივიღოთ ამერიკელი ჯარისკაცები“, - განაცხადა ნავროცკიმ ლიეტუვაში სამხედრო წვრთნების მონახულების დროს.
გაზიარება:
იმედი
წყარო: imedinews.ge