პოლონეთის თავდაცვის მინისტრის განცხადებით, ბალტიის ზღვაზე პოლონურმა გამანადგურებლებმა რუსულ სადაზვერვო თვითმფრინავს გზა გადაუჭრეს

პოლონეთის თავდაცვის მინისტრმა ვლადისლავ კოსინიაკ-კამიშმა სოციალურ ქსელ X-ში დაწერა, რომ პოლონურმა სამხედრო გამანადგურებლებმა რუსულ Ил-20-ის ტიპის სადაზვერვო თვითმფრინავს გზა გადაუჭრეს.

კოსინიაკ-კამიშის თქმით, ინციდენტი ბალტიის ზღვაზე, პოლონურ ქალაქ უსტკასთან მოხდა.

„ბალტიის ზღვაზე რუსეთის სადაზვერვო თვითმფრინავის Ил-20-ის მონაწილეობით კიდევ ერთი ინციდენტი მოხდა. უსტკიდან ჩრდილოეთით, 40 კილომეტრში ჩვენმა გამანადგურებლებმა რუსულ თვითმფრინავს გზა გადაუჭრეს, რომელსაც ტრანსპონდერი გამორთული ჰქონდა და სამოქალაქო ავიაციისთვის საფრთხეს წარმოადგენდა. პოლონეთის საჰაერო სივრცის დარღვევას ადგილი არ ჰქონია“ - დაწერა კოსინიაკ-კამიშმა.

Kolejny incydent nad Bałtykiem z udziałem rosyjskiego samolotu rozpoznawczego IŁ-20. 40 km na północ od Ustki nasze myśliwce przechwyciły rosyjski samolot, który nie miał włączonych urządzeń identyfikacyjnych i stwarzał zagrożenie dla lotnictwa cywilnego. Nie doszło do naruszenia… pic.twitter.com/UoIsUYm7mx — Władysław Kosiniak-Kamysz (@KosiniakKamysz) September 3, 2026