პოლონეთის თავდაცვის მინისტრის მოადგილე: პოლონეთს საკუთარ ტერიტორიაზე მოკავშირეთა ბირთვული იარაღის განთავსება არ სურს
პოლონეთს საკუთარ ტერიტორიაზე მოკავშირეთა ბირთვული იარაღის განთავსება არ სურს. ქვეყნის თავდაცვის მინისტრის მოადგილის, პაველ ზალევსკის ეს განცხადება იმ ფონზე გაჟღერდა, როდესაც ნატოს ალიანსზე რუსეთის შესაძლო თავდასხმის შიში სულ უფრო იზრდება.
„მინდა სრულიად ღიად და მკაფიოდ აღვნიშნო: პოლონეთს არ აქვს სურვილი, მის ტერიტორიაზე ბირთვული ქობინები განთავსდეს“, - განუცხადა მან ბრიუსელში, ნატოს შტაბ-ბინაში მედიის წარმომადგენლებს. „ჩვენი მიზანია ნატოს ბირთვული შეკავების პოლიტიკაში მონაწილეობა, [რაც] ქვეყნის ტერიტორიაზე ბირთვული იარაღის განთავსებას არ გულისხმობს“.
ზალევსკის ეს განცხადება აღნიშნულ საკითხზე ვარშავის ყველაზე მკაფიო და კატეგორიული პოზიციაა.
თუმცა პოლონეთი ბირთვული იარაღის საკუთარ ტერიტორიაზე განთავსებას ადრეც სკეპტიკურად უყურებდა, ქვეყნის ხელისუფლებას ისიც აქვს ნათქვამი, რომ აშშ-თან ევროპაში ამერიკული ბირთვული შეკავების შესაძლო გაფართოებაზე საწყისი ეტაპის კონსულტაციებს აწარმოებდა.
ამასთან, ვარშავა პარალელურად შეუერთდა საფრანგეთის ინიციატივას, რომელიც ევროპაში პარიზის ბირთვული შეკავების არეალის გაფართოებას ითვალისწინებს.
იმედი
წყარო: imedinews.ge