პოლონეთმა უკრაინაზე რუსული იერიშების გამო დილის განმავლობაში გამანადგურებლები ჰაერში მეორედ აწია

პოლონეთმა უკრაინის რეგიონებზე რუსეთის მასშტაბური დარტყმების გამო დილიდან სამხედრო ავიაცია ჰაერში ორჯერ აწია. პოლონეთის შეიარაღებული ძალების ოპერატიული სარდლობის ცნობით, დაახლოებით 08:00 საათზე პოლონური გამანადგურებლები ბაზირების ადგილებს დაუბრუნდნენ. მაშინ სამხედრო უწყებამ აღნიშნა, რომ ქვეყნის საჰაერო სივრცის დარღვევა არ დაფიქსირებულა.

თუმცა, 09:07 საათზე ოპერატიულმა სარდლობამ გავრცელებულ განცხადებაში აღნიშნა, რომ უკრაინის მიმართულებით რუსეთის მიერ განხორციელებული მორიგი დარტყმების გამო, პოლონეთის საჰაერო სივრცეში სამხედრო ავიაცია ხელახლა ამოქმედდა.

პარალელურად, პოლონეთმა სრულ საბრძოლო მზადყოფნაში მოიყვანა სახმელეთო საჰაერო თავდაცვისა და რადიოლოკაციური დაზვერვის სისტემები.

დღესვე საზღვართან დრონების გამო ჰაერში გამანადგურებლები რუმინეთმაც აწია.