პოლონეთმა უკრაინისთვის MiG-29 ტიპის თვითმფრინავების გადაცემაზე უარი განაცხადა და ამის ნაცვლად მათი ჩამოწერა გადაწყვიტა
პოლონეთის შეიარაღებული ძალების კუთვნილი Mig-29 ტიპის გამანადგურებელი თვითმფრინავები უკრაინას უპილოტო საფრენი აპარატების ტექნოლოგიების სანაცვლოდ აღარ გადაეცემა. ინფორმაციას პოლონური მედია პოლონეთს თავდაცვის სამინისტროზე დაყრდნობით ავრცელებს.
მედიის ცნობით, ჯერ კიდევ 29 ივნისს პოლონეთის თავდაცვის მინისტრმა ვლადისლავ კოსინიაკ-კამიშმა განაცხადა, რომ კიევთან თვითმფრინავების გადაცემის შესახებ შეთანხმება არ შევა ძალაში, რადგან უკრაინამ შეთანხმების პირობები დაარღვია.
პოლონეთის თავდაცვის სამინისტროში განაცხადეს, რომ Mig-29 ტიპის თვითმფრინავების საექსპლუატაციო ვადა დასასრულს უახლოვდება.
„რესურსის ზედა ზღვრამდე მიღწევისა და მათი შემდგომი მოდერნიზაციის პერსპექტივის არარსებობის გამო თვითმფრინავების ექსპლუატაცია პოლონეთის შეიარაღებული ძალების რიგებში თანდათან შეჩერდება“, - აღნიშნულია პოლონეთის თავდაცვის სამინისტროს განცხადებაში.
თავდაცვის უწყებას თვითმფრინავების ჩამოწერის ვადები არ დაუკონკრეტებია.
იმედი
წყარო: imedinews.ge