პოლონეთში უკრაინის მოქალაქე სასულიერო პირებს დაესხა თავს - არის მსხვერპლი

სამხრეთ პოლონეთში, ქალაქ იაროსლავის ბენედიქტელთა სააბატოში ტრაგიკული ინციდენტი მოხდა. უკრაინის 31 წლის მოქალაქე ცივი იარაღით თავს დაესხა 5 ადამიანს. თავდასხმის შედეგად 1 ადამიანი ადგილზე მიყენებული ჭრილობებისგან გარდაიცვალა.

სააგენტო AFP-ის ინფორმაციით, თავდამსხმელმა დანით 4 კაცი და 1 ქალი დაჭრა. ყველა დაშავებული საავადმყოფოშია გადაყვანილი, მათგან სამის მდგომარეობა მძიმეა. სააგენტო Reuters-ის ცნობით, მიყენებული ტრავმებისგან ერთ-ერთი კაცი გარდაიცვალა.

ბენედიქტელთა ორდენის ერთ-ერთმა მონაზონმა სახელმწიფო ტელეკომპანია TVP Info-სთან საუბრისას დაადასტურა, რომ დაღუპული კაცი მღვდელია. „როდესაც ადგილზე მივედი, სრული პანიკა სუფევდა“, - აღნიშნა მან.

პოლონეთის სამართალდამცველებმა 31 წლის უკრაინელი თავდამსხმელი ადგილზევე დააკავეს. პოლიციის განცხადებით, თავდასხმის მოტივი ამ ეტაპზე დადგენილი არ არის და გამოძიება მიმდინარეობს.