პოლონური მედია: სამხედრო ვალდებულების მქონე უკრაინელები ევროკავშირში თავშესაფარს მალე ვეღარ მიიღებენ

ევროკავშირი მალე შეწყვეტს თავშესაფრის მიცემას სამხედრო ვალდებულის მქონე უკრაინელებისთვის, - წერს Rzeczpospolita.

გამოცემის ინფორმაციით, ცვლილებები როგორც კაცებს, ასევე ქალებს შეეხება. ევროკომისია წესების ცვლილების შესახებ განცხადების გაკეთებას ივლისში გეგმავს. მოსალოდნელია, რომ ახალი წესები ძალაში 2027 წლის მარტიდან შევა.

დროებითი დაცვა ხელმისაწვდომი იქნება უკრაინის იმ მოქალაქეებისთვის, რომლებსაც ექნებათ სპეციალური ცნობა იმის შესახებ, რომ ისინი მობილიზაციას არ ექვემდებარებიან.

„ცვლილებებზე მუშაობა დასასრულს უახლოვდება. პოლონეთი მათ მხარს უჭერს“, - განუცხადა გამოცემას შინაგან საქმეთა და ადმინისტრაციის მინისტრის მოადგილემ, პროფესორმა მაცეი დუშჩიკმა, რომელიც მიგრაციულ პოლიტიკაზეა პასუხისმგებელი.