პრემიერი: როდესაც გინდა, დაეხმარო ქვეყანას, ფული უნდა ჩაასხა ამ ქვეყნის ეკონომიკაში, ეს ერთადერთხელ გააკეთა ამერიკის ძველმა ადმინისტრაციამ და ევროპულმა ბიუროკრატიამ 2009-2011 წლებში, როდესაც უცხოური აგენტურა, სააკაშვილის რეჟიმი იყო გადასარჩენი - „დიფ სთეითის“ ლოგიკით, შენს აგენტურას არ უნდა დაეხმარო, რომ ძლიერად არ იგრძნოს თავი

რეალურად არის ქვეყნები, რომელთა რეალური დახმარებაც შეუძლია ევროპულ ბიუროკრატიას, თუმცა ისინი ამას არ აკეთებენ. როდესაც გინდა, დაეხმარო ქვეყანას, შენ ფული უნდა ჩაასხა ამ ქვეყნის ეკონომიკაში, - განუცხადა საქართველოს პრემიერ-მინისტრმა ირაკლი კობახიძემ ჟურნალისტებს.

როგორც მთავრობის მეთაურმა აღნიშნა, ერთადერთი, როდესაც ეკონომიკაში ჩაასხეს ფული, ამერიკის ძველმა ადმინისტრაციამ და ასევე ევროპულმა ბიუროკრატიამ, ეს იყო 2009-2011 წლები, როდესაც უცხოური აგენტურა იყო გადასარჩენი ქვეყანაში.

„მინდა, კიდევ ერთხელ ვისაუბრო ძალიან სამწუხარო პოლიტიკაზე, რომელიც აქვს ევროპულ ბიუროკრატიას არა მარტო ქართველ ხალხთან მიმართებით, არამედ იგივე მოლდოველ, უკრაინელ ხალხთან მიმართებით და ყველა იმ ხალხთან მიმართებით, რომელიც გამოხატავს ევროკავშირში გაწევრიანების სურვილს. რეალურად არის ქვეყნები, რომელთა რეალური დახმარებაც შეუძლია ევროპულ ბიუროკრატიას, თუმცა ისინი ამას არ აკეთებენ. როდესაც გინდა, დაეხმარო ქვეყანას, შენ ფული უნდა ჩაასხა ამ ქვეყნის ეკონომიკაში.

ეს ნიშნავს მხოლოდ და მხოლოდ შესაბამისი ქვეყნის გაძლიერებას, რაც ერთადერთხელ გააკეთა ამერიკის ძველმა ადმინისტრაციამ და ასევე ევროპულმა ბიუროკრატიამ ეს იყო 2009-2011 წლები, როდესაც ომის შემდგომ იყო უმძიმესი ვითარება და აგენტურა, სააკაშვილის რეჟიმი იყო გადასარჩენი. ერთადერთი, როდესაც ეკონომიკაში ჩაასხეს ფული, იყო 2009-2011 წლები.

ეს არის რეალობა და დანარჩენი არის ქარდები, რომელიც არაფერს ეუბნება ქართულ საზოგადოებას არც ერთხელ, გარდა 2009-2011 წლები, როდესაც უცხოური აგენტურა იყო გადასარჩენი ამ ქვეყანაში, არც ერთ სხვა შემთხვევაში ეკონომიკაში ფული არ ჩაუსხამთ. საქართველო არის მცირე ქვეყანა, ჩვენი ეკონომიკა მთლიანად არის 38 მილიარდი დოლარი, ამაზე ბევრად ნაკლები იყო წლების წინ. საქართველოს ფეხზე დაყენებას არაფერი სჭირდებოდა, ისევე როგორც მოლდოვის ფეხზე დაყენებას არ სჭირდება არაფერი. მოლდოვაში არის უმძიმესი ვითარება, კრიზისული ვითარება და ბოლო სამი წლის განმავლობაში ჯამურად შემცირდა მოლდოვის ეკონომიკა. ამ წლების განმავლობაში ბოლო 5 წლის განმავლობაში 13,5 მილიარდი დოლარი გავზარდეთ სხვაობა საქართველოსა და მოლდოვის ეკონომიკებს შორის.