პრემიერი: როდესაც ხედავ, რომ 30%-დან შენი, ევროკავშირის წილი გლობალურ ეკონომიკაში შემცირდა 17,5%-მდე და მაღალი ალბათობით შეიძლება კიდევ უფრო შემცირდეს, ამასობაში ძალიან სწრაფად გაიზარდა ამერიკის, ჩინეთის ეკონომიკა და ორივე ჩრდილავს ევროკავშირს ეკონომიკური თვალსაზრისით, რაღაც მომენტში უნდა გამოფხიზლდნენ, ვიღაცამ უნდა გააცნობიეროს, რომ სუვერენული პოლიტიკის დროა და აღარ არის იმის დრო, გარე ძალების კარნახით იმოქმედოს ევროპულმა ბიუროკრატიამ

როდესაც ხედავ, რომ 30 %-დან შენი, ევროკავშირის წილი გლობალურ ეკონომიკაში შემცირდა 17,5 %-მდე და მაღალი ალბათობით შეიძლება კიდევ უფრო მეტად შემცირდეს, ამასობაში ძალიან სწრაფად გაიზარდა ამერიკის ეკონომიკა, ჩინეთის ეკონომიკა და ორივე ჩრდილავს უკვე ევროკავშირს ეკონომიკური თვალსაზრისით, ასეთ დროს რაღაც მომენტში უნდა გამოფხიზლდნენ, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში.

მისივე თქმით, კონკრეტული პროგნოზის გაკეთება რთულია, თუმცა ქართული მხარის ოპტიმიზმი ეფუძნება იმას, რომ ვიღაც უნდა გამოფხიზლდეს და გააცნობიეროს ევროპულ ბიუროკრატიაში, რომ სუვერენული პოლიტიკის დროა და აღარ არის გარე ძალების კარნახით მოქმედების დრო.

„მე კონკრეტული პროგნოზის გაკეთება ძალიან გამიჭირდება - რა შეიძლება მოხდეს, როდის შეიძლება მოხდეს, როგორ შეიძლება მოხდეს. ყველაფერი არის აბსოლუტურად არაპროგნოზირებადი. მთელი სამყარო გახდა, სამწუხაროდ, არაპროგნოზირებადი. უკრაინის ომთან დაკავშირებით მილიონი პროგნოზი კეთდებოდა, მაგრამ ვეღარავინ ვეღარ ამბობს უკვე, როდის შეიძლება ეს ომი დასრულდეს. ასეთი ომი საერთოდ გაუგონარია - ფრონტის ხაზი არის პრაქტიკულად ერთ დონეზე გაჩერებული უკვე ამდენი წლის განმავლობაში. რაც, გაუგებარი რამეა. ასევე ირანის გარშემო გაუგებრად ვითარდება მოვლენები. არაპროგნოზირებადი გახდა ზოგადად გლობალური პოლიტიკა. ასეთივე არაპროგნოზირებადია ევროკავშირი.