ფრიდრიხ მერცის განცხადებით, მმართველი კონსერვატიული ბლოკის ფრაქციის თავმჯდომარის გადადგომა, შესაძლოა, კაბინეტის განახლების მიზეზი გახდეს

ფრიდრიხ მერცი აცხადებს, რომ მმართველი კონსერვატიული ბლოკის ფრაქციის თავმჯდომარის, იენს შპანის გადადგომა, შესაძლოა კაბინეტის განახლების მიზეზი გახდეს. მერცმა შპანის თანამდებობიდან წასვლის მიზეზების განმარტებისგან თავი შეიკავა, თუმცა უკმაყოფილება გამოქვა, რომ გადაწყვეტილება მან პარტიას ძალიან გვიან შეატყობინა.

„პირველ რიგში, ბავშვს კეთილდღეობას და ყოველივე საუკეთესოს ვუსურვებ; ვიმედოვნებ, შპანი ყველაფერს კარგად გაართმევს თავს და ყველაფრის ახსნასაც შეძლებს. სამწუხაროდ, არავის გვქონდა რეალურად შესაძლებლობა, მასთან ამაზე გვესაუბრა. პარტიასა და საპარლამენტო ჯგუფს ამის შესახებ ძალიან გვიან უთხრა. დრო რომ გვქონოდა, მშვიდად განვიხილავდით, მაგრამ ეს დრო არ გვქონია. საკითხი უკვე დახურულია. ის გადადგა. ეს კი შესაძლოა კაბინეტის განახლების შესაძლებლობა გახდეს“, - განაცხადა მერცმა.

შეგახსენებთ, იენს შპანმა ბუნდესტაგში მმართველი კონსერვატიული პარტიის ფრაქციის თავმჯდომარის თანამდებობა მას შემდეგ დატოვა, რაც ცნობილი გახდა, რომ ერთნაირსქესიან ქორწინებაში მყოფი შპანი აშშ-ში, სუროგატი დედის მეშვეობით, შვილს ელოდა, მაშინ, როცა სუროგაცია გერმანიაში აკრძალულია და მას თავად შპანიც ეწინააღმდეგებოდა.