„ქრონიკამ“ გადაიღო სასტუმროს შიდა ტერიტორია, სადაც, სავარაუდოდ ვერაზე მომხდარი მკვლელობისა და დაჭრის ფაქტზე პოლიციელებმა ბრალდებული დააკავეს

ვერაზე მომხდარი დაპირისპირების საქმეზე, დამამძიმებელ გარემოებებში ჩადენილი განზრახ მკვლელობის მცდელობის ბრალდებით, სამართალდამცველებმა ერთი მოქალაქე ცხელ კვალზე დააკავეს. ის მისივე ოჯახის კუთვნილ სასტუმროში აიყვანეს.

„ქრონიკამ“ გადაიღო სასტუმროს შიდა ტერიტორია, სადაც, სავარაუდოდ, ბრალდებული დააკავეს. მან დაკავებისას პოლიციას შეიარაღებული წინააღმდეგობა გაუწია და ხელის თითებზე დაზიანება მიიღო. მედიაში ვრცელდება ინფორმაცია, რომ დაკავებული ნიკოლოზ კაპანაძე პარტია „ლელოს“ წევრის, გიორგი სიორიძის ახლო მეგობარია. „ქრონიკა“ ცდილობს ამ ინფორმაციის სიორიძესთან გადამოწმებას.

ვერაზე დაჭრილ ორ ახალგაზრდას კი ოპერაცია ჩაუტარდა, მათი მდგომარეობა სტაბილურია. ბრალდებულმა ცეცხლსასროლი იარაღის გასროლით ოთხი ადამიანი, მათ შორის ორი არასრულწლოვანი დაჭრა.

მიყენებული ჭრილობების შედეგად, ერთი არასრულწლოვანი გარდაიცვალა.