რადოსლავ სიკორსკი: რუსეთი ჩვენ წინააღმდეგ ჰიბრიდულ ომს 10 წელია, აწარმოებს. ამ ომს ბევრი ასპექტი აქვს

პოლონეთის საგარეო საქმეთა მინისტრი რუსეთს ჰიბრიდული ომის წარმოებაში ადანაშაულებს. რადოსლავ სიკორსკი აცხადებს, რომ ვარშავის წინააღმდეგ რუსული აგრესია უკვე 10 წელიწადია, გრძელდება, და ბრალდების მიზეზებს ასახელებს.

„რუსეთი ჩვენ წინააღმდეგ ჰიბრიდულ ომს 10 წელია, აწარმოებს. ამ ომს ბევრი ასპექტი აქვს. არსებობს კიბერშეტევები. ისინი მიზანში იღებენ ფინანსურ ინსტიტუტებსა და საგადასახადო სისტემებს. ჩვენს სისტემებში ნერგავენ ვირუსულ პროგრამებს, რომ უფრო სერიოზული შემთხვევების დროს გაააქტიურონ, ერევიან პოლიტიკაში არჩევნების დროს, როგორც უკიდურესი მემარცხენეების, ისე უკიდურესი მემარჯვენეების მხარდაჭერით. ისინი იყენებენ „ტელეგრამს“ ერთჯერადი დივერსანტების გადასაბირებლად, ობიექტებისთვის ფოტოების გადასაღებისთვის 2 ათასს, ხოლო მათი გადაცვლისთვის 20 ათას დოლარს იხდიან. ათობით ასეთი შემთხვევა გვქონდა. მათ ბრიტანეთის პრემიერ-მინისტრის კუთვნილი სახლის გადაწვაც კი სცადეს. გამოვცადეთ მკვლელობები, სახელმწიფო ტერორიზმი, სარკინიგზო დივერსიები, ამანათებში მოთავსებული აალებადი მასალები, რაკეტებისა და დრონების შემოჭრა. ეს ყველაფერი რუსეთის ჰიბრიდული ომის ნაწილია“, - განაცხადა სიკორსკიმ.