რატი იონათამიშვილი: ნებისმიერი პოზიცია, რომელსაც იკავებდა და დაიკავებს მამუკა მდინარაძე არის წარმატების გარანტია

ნებისმიერი პოზიცია, რომელსაც იკავებდა და დაიკავებს მამუკა მდინარაძე არის წარმატების გარანტია, - აცხადებს რატი იონათამიშვილი. ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე აღნიშნავს, რომ ოპოზიცია სტრუქტურულ ცვლილებებთან დაკავშირებული აგონიით ამტკიცებს, რომ ქვეყნის სტაბილურობა და განვითარება მათ ინტერესებში არ არის.

„ჩვენ უკვე დადასტურებული ფაქტებით შეგვიძლია ვისაუბროთ, რომ ძლიერდება სახელმწიფო ინსტიტუტები და უსაფრთხოება ჩვენს ქვეყანაში. რაც შეეხება რადიკალური ოპოზიციის პანიკას, სინამდვილეში ისინი საკუთარ თავებს ჰყიდიან, რომ მათ ინტერესებში არ არის ჩვენი ქვეყნის სტაბილურობა, უსაფრთხოება და განვითარება. მაგრამ მოუწევთ ამ შიშებთან დარჩენა, ვინაიდან ხელს ვერ შეუშლიან ამ ყველაფერს“, - აცხადებს იონათამიშვილი.

პარლამენტმა სახელმწიფო მინისტრთან დაკავშირებულ სტრუქტურულ ცვლილებები მეორე მოსმენით მიიღო. საკანონმდებლო ცვლილება დღესვე მესამე მოსმენით დამტკიცდება, კენჭისყრა რამდენიმე წუთში დაიწყება. ხვალიდან კი სახელმწიფო მინისტრის თანამდებობას მამუკა მდინარაძე დაიკავებს. ის ასევე იქნება ვიცე-პრემიერი.