რატი იონათამიშვილი: ოპოზიციაში ფაქტობრივად ამბობენ, რომ თუ ფაშინიანია ჩავა თეირანში, ეს არის ძალიან კარგი რეგიონში მშვიდობისათვის და თუ ჩავა საქართველოს პრეზიდენტი, ეს არის ძალიან ცუდი. რა თქმა უნდა, ისინი ამით მხოლოდ საკუთარ ორმაგ სტანდარტს ავლენენ

ოპოზიციაში ფაქტობრივად ამბობენ, რომ თუ ფაშინიანია ჩავა თეირანში, ეს არის ძალიან კარგი რეგიონში მშვიდობისათვის და თუ ჩავა საქართველოს პრეზიდენტი, ეს არის ძალიან ცუდი, - განუცხადა ჟურნალისტებს ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილმა.

იონათამიშვილის თქმით, ისინი ამით მხოლოდ საკუთარ ორმაგ სტანდარტს ავლენენ.

„ოპოზიციაში ფაქტობრივად ამბობენ, რომ თუ ფაშინიანია ჩავა თეირანში, ეს არის ძალიან კარგი რეგიონში მშვიდობისათვის და თუ ჩავა საქართველოს პრეზიდენტი, ეს არის ძალიან ცუდი. რა თქმა უნდა, ისინი ამით მხოლოდ საკუთარ ორმაგ სტანდარტს ავლენენ. ფაქტობრივად, ჩვენს საზოგადოებას ეუბნებიან, რომ მათ არ გააჩნიათ არანაირი ღირებულებები და ერთადერთი მიზანია რაიმენაირად დააზიანონ ჩვენი ქვეყნის რეპუტაცია, იმიჯი. რა თქმა უნდა, მათ ამის პერსპექტივა არ აქვთ და საკუთარ ორმაგ სტანდარტს ამხელენ სინამდვილეში. უმარტივებენ ჩვენს საზოგადოებას სწორი არჩევანის გაკეთების შესაძლებლობას“, - აღნიშნა მან.

სპეკულაცია, საქართველოს პრეზიდენტის ირანში ჩასვლასთან დაკავშირებით და ორმაგი სტანდარტი სხვა ქვეყნის ლიდერების მისამართით. როგორც საპარლამენტო ოპოზიციასა და მმართველ გუნდში მიიჩნევენ, კონკრეტული ძალების მიზანი საქართველოს ინტერესების დაზიანებაა. ისინი გეოპოლიტიკურ ვითარებაზე ამახვილებენ ყურადღებას და ხაზს უსვამენ, თურქეთის, აზერბაიჯანისა და სომხეთის ლიდერების ჩასვლას ირანში და მათ განცხადებებს რუსეთთან დაკავშირებით