რატი იონათამიშვილი რადიკალებზე: იმის ნაცვლად, რომ აქებდნენ შესაბამის საგამოძიებო უწყებებს იმისთვის, რომ საქმეები ბოლომდე იყო მიყვანილი და გამოძიებული, ახლა გამოდიან და ისევ ცდილობენ, სიცრუით გავიდნენ ფონს

მათ ხელიდან გამოეცალათ ის საკითხები, რითაც ცდილობდნენ ჩვენი ქვეყნის დაზიანებას და ამით, როგორც ჩანს, არიან ძალიან დაბნეულები, შეშფოთებულებიც და შეშინებულებიც, - განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა 2024 წლის დეკემბერში განვითარებულ მოვლენების შეფასებისას.

მისივე თმით, იმის ნაცვლად, რომ აქებდნენ შესაბამის საგამოძიებო უწყებებს იმისთვის, რომ საქმეები ბოლომდე იყო მიყვანილი და გამოძიებული, ახლა გამოდიან და ისევ ცდილობენ, სიცრუით გავიდნენ ფონს.

„სინამდვილეში ეს ყველაფერი აჩვენებს, რომ მათ ხელიდან გამოეცალათ ის საკითხები, რითაც ცდილობდნენ ჩვენი ქვეყნის დაზიანებას და ამით, როგორც ჩანს, არიან ძალიან დაბნეულები, შეშფოთებულებიც და შეშინებულებიც. მაგრამ, ჩვენთვის მნიშვნელოვანია კანონის უზენაესობა. ამ ადამიანებისთვის მნიშვნელოვანია, როგორმე ჩვენს ქვეყანას გამოუთხარონ ძირი. საბოლოო ჯამში, ძირი ეთხრებათ მათ თვითონ, მათ საქმიანობას და ამაში ჩვენი ქვეყნისთვის ცუდი არაფერია“, - განაცხადა იონათამიშვილმა.

საქართველოს პროკურატურამ 2024 წელს მიმდინარე აქციების დროს, ზვიად მაისაშვილის, ლევან ხაბეიშვილის და გურამ როგავას მიმართ განხორციელებული ძალადობის ფაქტებზე, დაკავებულ ხუთივე პირს გ.კ.-ს, ზ.ჩ.-ს ა.ბ.-ს, ტ.ბ.-ს და გ.ბ.-ს ბრალდება წარუდგინა.