Reuters: აშშ-ის დაზვერვა ირანის პოტენციურ რეაქციას სწავლობს, ამერიკის მიერ ომში გამარჯვების გამოცხადების შემთხვევაში
აშშ-ის სადაზვერვო სამსახურები იკვლევენ, თუ რა რეაქცია ექნება თეირანს, თუ ამერიკის პრეზიდენტი, დონალდ ტრამპი ირანთან ომში თავს გამარჯვებულად გამოაცხადებს. ინფორმაციას Reuters-ი ავრცელებს.
სააგენტოს ცნობით, ამერიკის სპეცსამსახურების მიზანს წარმოადგენს გაიგონ, თუ რა შედეგები მოჰყვება კონფლიქტიდან ტრამპის პოტენციურ გასვლას, რაც, შესაძლოა, მიმდინარე წლის ნოემბერში კონგრესში დაგეგმილი შუალედური არჩევნებისთვის „რესპუბლიკელების“ დიდ მარცხად შეირაცხოს.
მიუხედავად იმისა, რომ გადაწყვეტილება ჯერ მიღებული არ არის, ხოლო აშშ-ის პრეზიდენტს საომარი მოქმედებების გააქტიურება მარტივად შეუძლია, ახლო აღმოსავლეთში ვითარების სწრაფმა დეესკალაციამ წნეხი ამერიკულ ადმინისტრაციაზე, შესაძლოა, შეამსუბუქოს, განურჩევლად იმისა შეძლებს, თუ არა ამის მერე ირანი საკუთარი ბირთვული და სარაკეტო პოტენციალის აღდგენას, წერს გამოცემა.
ერთ-ერთი წყარო სააგენტოს უყვება, თებერვალში, როცა სამხედრო კამპანია ახალი დაწყებული იყო, ტრამპს გამარჯვება რომ გამოეცხადებინა და აშშ-ს რეგიონში სამხედროების რაოდენობა შეემცირებინა, ირანი ამას საკუთარ წარმატებად მიიჩნევდა.
თუ ამერიკის პრეზიდენტი იტყოდა, რომ გაიმარჯვა, მაგრამ აშშ საკუთარ სამხედროებს ახლო აღმოსავლეთში მაინც დატოვებდა, ირანი ჩათვლიდა, რომ ამერიკელები მოლაპარაკებებისთვის გარკვეულ ტაქტიკას მიმართავენ.
იმედი
წყარო: imedinews.ge