Reuters: ბრიტანეთის პოლიციამ „რეფორმა გაერთიანებული სამეფოსთვის“ წინააღმდეგ სისხლის სამართლის გამოძიება გააფართოვა

ბრიტანეთის პოლიციამ ოპოზიციური პოპულისტური პარტია „რეფორმა გაერთიანებული სამეფოსთვის“ წინააღმდეგ მიმდინარე სისხლის სამართლის გამოძიება გაფართოვდება და მასში შეიტანა დოკუმენტურ ფილმში გაჟღერებული ბრალდებებიც, რომელთა მიხედვითაც პარტიის წარმომადგენლები უცხოური დაფინანსების საკითხში საარჩევნო კანონმდებლობის დარღვევას გეგმავდნენ. ინფორმაციას Reuters-ი ავრცელებს.

„რეფორმა გაერთიანებული სამეფოსთვის“, რომელსაც Brexit-ის კამპანიის ვეტერანი ნაიჯელ ფარაჯი ხელმძღვანელობს, რაიმე დარღვევა უარყოფს. პარტიის წარმომადგენელმა განაცხადა, რომ „რეფორმა გაერთიანებული სამეფოსთვის“ გამოძიებასთან „სრულად ითანამშრომლებს“.

ფარაჯს, რომელსაც საპარლამენტო ზედამხედველი ორგანო წარსულში მიღებულ შემოწირულებებთან დაკავშირებით იძიებს, გასულ კვირას ორი უახლოესი თანაშემწის გათავისუფლება მოუწია მას შემდეგ, რაც ფარული გამოძიების მასალა გამოქვეყნდა.

ფარულად გადაღებულ მასალაში „რეფორმა გაერთიანებული სამეფოსთვის“ ორი მაღალი რანგის წარმომადგენელი - იმ დროისთვის პოლიტიკის მიმართულების ხელმძღვანელი ჯეიმს ორი და ფარაჯის ყოფილი მარჯვენა ხელი დენ ჯუკსი - დაფინანსების საკითხებზე საუბრობენ აშშ-ის სავარაუდო ბიზნესმენსა და ბრიტანეთში მცხოვრებ მის შვილთან.

საუბარი, მათ შორის, პარტიის მიერ დაკვეთილი სამი საზოგადოებრივი აზრის კვლევის საფასურის გადახდასაც შეეხებოდა.

გასულ პარასკევს „რეფორმა გაერთიანებული სამეფოსთვის“ შიდა გამოძიება დაიწყო და ბრალდებები უარყო. პარტიის განცხადებით, ის ხუმრობის მსხვერპლი გახდა. ფარაჯმა ზოგიერთი გამონათქვამი „უბრალოდ, პაბში ნათქვამ დაუფიქრებელ სიტყვებად“ შეაფასა.

ლონდონის პოლიციამ განცხადებაში აღნიშნა, რომ დეტექტივებმა შეაფასეს „პოლიტიკურ პარტიასთან დაკავშირებული შემოწირულებების და საზოგადოებრივი აზრის კვლევების შესახებ არაერთი შეტყობინება“ და დაადგინეს, რომ არსებობს „გამოსაძიებელი შესაძლო დანაშაულები“.