Reuters: დონალდ ტრამპის რეიტინგი ყველაზე დაბალ ნიშნულამდე დაეცა
იმედი|imedinews.ge
აშშ-ის პრეზიდენტის, დონალდ ტრამპის რეიტინგი ყველაზე დაბალ ნიშნულზეა. ინფორმაციას Reuters-ი კომპანია Ipsos-ის მიერ ჩატარებულ გამოკითხვაზე დაყრდნობით ავრცელებს.
გამოკითხვის მიხედვით, ტრამპის მუშაობას დადებითად ამერიკელების 34% აფასებს, რაც აპრილის დასაწყისის მაჩვენებელზე 2%-ით ნაკლებია. გამოკითხულთა 64% თეთრი სახლის ლიდერის მუშაობას უარყოფითად აფასებს. აღნიშნული მაჩვენებელი 2%-ით არის გაზრდილი.
გამოკითხულთა მხოლოდ 22% ფიქრობს, რომ ტრამპის პრეზიდენტობის პერიოდში საცხოვრებელი პირობები გაუმჯობესდა. წინა კვლევაში ეს მაჩვენებელი 25% იყო.
გამოკითხვა 15-20 აპრილს ჩატარდა. მასში მონაწილეობა 1 269 ზრდასრულმა ადამიანმა მიიღო. ცდომილება 3%-ს შეადგენს.
გაზიარება:
იმედი
წყარო: imedinews.ge