Reuters: ესპანეთის პრემიერ-მინისტრის პარტიის სათავო ოფისში ანტიკორუფციულმა პოლიციამ რეიდი ჩაატარა
იმედი|imedinews.ge
ესპანეთის პრემიერ-მინისტრის პედრო სანჩესის „სოციალისტური პარტიის“ სათავო ოფისში ანტიკორუფციულმა პოლიციამ ჩხრეკა ჩაატარა. ინფორმაციას Reuters-ი ავრცელებს.
საქმე ეხება გამოძიებას მმართველი, „სოციალისტური პარტიის“ უკანონო დაფინანსების შესახებ.
Reuters-ის ცნობით, სამართალდამცველებმა პედრო სანჩესის პარტიის ოფისიდან სწორედ ამ გამოძიებისთვის საჭირო მტკიცებულებები ამოიღეს.
მმართველ პარტიაში ჩხრეკამდე ერთი კვირით ადრე ესპანეთის ეროვნულმა სასამართლომ ქვეყნის ყოფილ პრემიერ-მინისტრსა და პედრო სანჩესის ახლო მოკავშირეს ხოსე ლუის როდრიგეს საპატეროს ფულის გათეთრების საქმეზე ბრალი წაუყენა.
გაზიარება:
იმედი
წყარო: imedinews.ge