Reuters: სტარმერის მუქარის მიუხედავად, ბრიტანეთი რუსულ გემებს არ აკავებს

გაერთიანებული სამეფოს პრემიერ-მინისტრის, კირ სტარმერის მუქარას რუსული ე.წ. ჩრდილოვანი ფლოტის გემების დაკავებასთან დაკავშირებით, შედეგი არ გამოუღია, რადგან ბრიტანეთის წყლებში რუსული გემები დღემდე თავისუფლად გადაადგილდებიან. ინფორმაციას Reuters-ი ავრცელებს.

მას შემდეგ, რაც 25 მარტს სტარმერი რუსული გემების დაკავებით დაიმუქრა, ბრიტანეთის სანქციების ქვეშ მყოფმა 98 ხომალდმა ბრიტანული წყლები გაიარა, აღნიშნავს სააგენტო.

როგორც Reuters-ი იუწყება, 25 მარტიდან დღემდე რუსული გემის, რომელსაც გადააქვს ნავთობი, ხორბალი ან იარაღი, დათვალიერების, ჩხრეკის ან დაკავების შესახებ ინფორმაცია არ გავრცელებულა.

Reuters-ის მიერ მოპოვებული მონაცემების თანახმად, 63-მა გემმა ლა-მანშის სრუტესთან ახლოს გაიარა. აღნიშნული გზა ბალტიის ზღვისა და სამხრეთ ევროპის უმოკლესი დამაკავშირებელი მარშრუტია. კიდევ 35-მა გემმა დიდი ბრიტანეთის ეკონომიკური ზონა გაიარა, თუმცა არც ამ შემთხვევაში მათი დაკავება ან ჩხრეკა არ მომხდარა.

სააგენტოს ცნობით, დიდი ბრიტანეთს სასანქციო სიაში რუსეთის ე.წ. ჩრდილოვან ფლოტთან კავშირის გამო 544 გემი ჰყავს შეყვანილი.