რიკარდ იოზვიაკი: ევროკავშირი 11 ივნისს საქართველოსთან სავიზო საკითხთან დაკავშირებით დიალოგს გამართავს

„რადიო თავისუფლების” ევროპის ბიუროს რედაქტორი რიკარდ იოზვიაკი სოციალურ ქსელ X-ში წერს, რომ 11 ივნისს ევროკავშირი საქართველოსთან სავიზო საკითხთან დაკავშირებით დიალოგს გამართავს.

როგორც იოზვიაკი აღნიშნავს, ეს მნიშვნელოვანი შეხვედრა იქნება, რადგან საქმე უვიზო რეჟიმის შესაძლო შეჩერებას შეეხება.

„ევროკავშირი მომავალ კვირას, 11 ივნისს საქართველოსთან სავიზო საკითხთან დაკავშირებით დიალოგს გამართავს. ეს მნიშვნელოვანი შეხვედრაა, რომელზეც ვიზალიბერალიზაციის შესაძლო შეჩერებას განიხილავენ. ევროკომისია თავის ყოველწლიურ სავიზო ანგარიშს დეკემბერში წარადგენს, ხოლო იანვარში ევროკავშირის წევრებს გადაწყვეტილების მიღება მოუწევთ“, - წერს იოზვიაკი.

🇪🇺 set to have a visa dialogue with 🇬🇪 next week, 11 June. Important meeting about the possibility of suspending visa lib. 🇪🇺 commission will come with its annual visa report in December and in January members should make a decision — Rikard Jozwiak (@RikardJozwiak) June 5, 2026