რობერტ ფიცო უკრაინაში მიმდინარე ომზე: ეს დამანგრეველი ომი სამხედრო გზით ვერ გადაწყდება და მისი შეჩერება მხოლოდ მოლაპარაკებების მაგიდასთან არის შესაძლებელი

სლოვაკეთის პრემიერ მინისტრი უკრაინაში მიმდინარე ომის დასრულების პერსპექტივას მხოლოდ სამშვიდობო ინიციატივისა და მოლაპარაკებაში ხედავს. აღნიშნულ საკითხზე რობერტ ფიცომ უკრაინის აღდგენის კონფერენციაზე სიტყვით გამოსვლისას ისაუბრა.

„სლოვაკეთის მთავრობა ყოველთვის დიპლომატიის მოწოდებით გამოდის. ევროპელი ლიდერების ბოლოდროინდელი დისკუსიებიდან გამომდინარე, ევროკავშირის წევრი სახელმწიფოების სულ უფრო მეტი ნაწილი ხედავს მის დამსახურებას. ვფიქრობ, ევროკავშირმა მხარი უნდა დაუჭიროს სამშვიდობო ინიციატივებს. ეს დამანგრეველი ომი სამხედრო გზით ვერ გადაწყდება და მისი შეჩერება მხოლოდ მოლაპარაკებების მაგიდასთან არის შესაძლებელი. უფრო ადრე მიღწეული მშვიდობა ნაკლებ ნგრევას ნიშნავს, ხოლო ნაკლები ნგრევა უფრო მარტივ აღდგენას“, - განაცხადა ფიცომ.