რომან კაკულია: ევროპას თუ რამე გამოარჩევდა დანარჩენი მსოფლიოსგან, ეს იყო უნარი, თვითონ ეპოვა საკუთარ თავში გადარჩენის მექანიზმი, თუმცა, მიგრაციულმა პროცესებმა დააზიანა მისი შინაგანი სტრუქტურა, ამის შედეგია ისეთი ლიდერები, რომელიც ჩვენ მივიღეთ

საქართველო იყო და დარჩება იმ ქვეყნად, რომელიც ამ რეგიონში უცვლელი ფუნქციის მატარებელია მისი გეოგრაფიიდან გამომდინარე, - განაცხადა საზოგადოებრივი მოძრაობა „პოლიტიკური არჩევანის“ დამფუძნებელმა რომან კაკულიამ გადაცემაში „EURO ანატომია“.

მისივე თქმით, მოვლენათა განვითარებამ მოიტანა ის მოცემულობა, რომელიც გადახრილია რეალობისგან და როდესაც ეს მდგომარეობა დაუბრუნდება რეალობას, საქართველოს ფუნქცია ისეთივე წამყვანი და ცენტრალური იქნება კავკასიაში, როგორიც მას გეოგრაფიამ მიანიჭა.

„ჩვენ არ უნდა გადავუხვიოთ დღევანდელ სტრატეგიას, არ უნდა დავთმოთ არავის სასარგებლოდ და გავაგრძელოთ ის პოზიცია, რომელსაც მივყვებით დღეს“, - აღნიშნა რომან კაკულიამ.

საზოგადოებრივი მოძრაობა „პოლიტიკური არჩევანის“ დამფუძნებელმა ისაუბრა ევრობიუროკრატების ქმედებაზე, თუ როგორ ცდილობენ საქართველოს როლის იგნორირებას.

„ევროპას თუ რამე გამოარჩევდა დანარჩენი მსოფლიოსგან, ეს იყო უნარი, თვითონ ეპოვა საკუთარ თავში გადარჩენის მექანიზმი, თუმცა, მიგრაციულმა პროცესებმა დააზიანა მისი შინაგანი სტრუქტურა, ამის შედეგია ისეთი ლიდერები, რომელიც ჩვენ მივიღეთ“, - განაცხადა კაკულიამ.

რომან კაკულიამ ასევე აღნიშნა, რომ საქართველოს ომში ჩათრევის საფრთხე მოხსნილი არ არის.