რომეო მიქაუტაძე, რომელიც ცხრა ეპიზოდშია მსჯავრდებული, მეორე ინსტანციის სასამართლოში ცხრავე ეპიზოდის გაუქმებას და გამამართლებელი განაჩენის გამოტანას ითხოვს

ეკონომიკისა და მდგრადი განვითარების მინისტრის ყოფილი მოადგილე, რომეო მიქაუტაძე, რომელიც ცხრა ეპიზოდშია მსჯავრდებული, მეორე ინსტანციის სასამართლოში ცხრავე ეპიზოდის გაუქმებას და გამამართლებელი განაჩენის გამოტანას ითხოვს.

სახელმწიფო ბრალდებისთვის ეკონომიკის ყოფილი მოადგილისთვის წარდგენილი ყველა ბრალდება სამართლიანია.

„როდესაც პირველ ინსტანციაში პროცესი სრულდებოდა, მართალია, მან შემოტანა განცხადება საპროცესო შეთანხმებასთან დაკავშირებით, თუმცა, ბრალდების მხარემ უარი დააფიქსირა, ვინაიდან ის რეალურად არ აღიარებდა ჩადენილ დანაშაულს, ზიანი არ ჰქონდა ანაზღაურებული და ამიტომ დადგა არსებითი განაჩენი მის მიმართ. მთელი რიგი წინაპირობები უნდა იყოს დაკმაყოფილებული, მან უნდა აღიაროს ჩადენილი დანაშაული, ზიანი აანაზღაუროს, რაც ამ ეტაპზე არ არის სახეზე", - განაცხადა პროკურორმა ირაკლი მარშანიამ.

დასკვნითი სიტყვისთვის შემდეგი პროცესი 6 ივლისს დაინიშნა.

თბილისის საქალაქო სასამართლოს გადაწყვეტილებით, რომეო მიქაუტაძეს თავისუფლების აღკვეთა 10 წლის ვადით მიესაჯა და 6 მილიონ ლარამდე ქონება ჩამოერთვა.