როსტოვის ოლქსა და სარატოვში ნავთობგადამამუშავებელი ქარხნები იწვის
უკრაინის შეიარაღებული ძალების ღამის თავდასხმის შემდეგ, როსტოვის ოლქის დაბა მატვეევ კურგანში, უპილოტო საფრენი აპარატის „ნამსხვრევების ჩამოვარდნის“ შედეგად, ცეცხლი გაუჩნდა კერძო საწარმოს საწვავის საცავს, რომელიც სასოფლო-სამეურნეო მწარმოებლებთან თანამშრომლობს, - განაცხადა რეგიონის გუბერნატორმა იური სლიუსარმა.
Telegram-არხები ადგილობრივ მცხოვრებლებზე დაყრდნობით წერენ, რომ ამ დაბაში საწვავის რეზერვუარზე დარტყმის შემდეგ ნავთობის წვიმა წამოვიდა. დაშავებულების შესახებ მონაცემები ჯერჯერობით არ ვრცელდება.
ღამის თავდასხმის შედეგების შესახებ ინფორმაცია სარატოვის ოლქის გუბერნატორმა რომან ბუსარგინმაც გაავრცელა.
„წინასწარი მონაცემებით, დაზიანებულია სამოქალაქო ინფრასტრუქტურის ობიექტები“, - დაწერა მან თავის Telegram-არხზე. მედიის ცნობით, დარტყმა სარატოვის ნავთობგადამამუშავებელ ქარხანაზე განხორციელდა, რომელიც უკრაინის შეიარაღებული ძალების სამიზნე მანამდეც არაერთხელ გამხდარა.
იმედი
წყარო: imedinews.ge