რუსეთმა კონსულტაციების შემდეგ სომხეთში ელჩი დააბრუნა

რუსეთმა მოსკოვში გამართული კონსულტაციების შემდეგ ელჩი სერგეი კოპირკინი სომხეთში დააბრუნა. ინფორმაციას რუსული მედია რუსეთის საგარეო საქმეთა სამინისტროზე დაყრდნობით ავრცელებს.

„მოსკოვში გამართული კონსულტაციების შემდეგ ელჩი ერევანში დაბრუნდა და მუშაობას შეუდგა. გავმართავთ მიღებას რუსეთის დღესთან დაკავშირებით“, - აღნიშნეს რუსეთის საგარეო საქმეთა სამინისტროში.

ცნობისთვის, მაისის ბოლოს რუსეთმა სომხეთიდან ელჩი კონსულტაციებისთვის გაიწვია. მიზეზად დასახელდა სომხეთის ხელისუფლების მიერ ევროკავშირთან დაახლოების მიზნით გადადგმული ნაბიჯები.