რუსთაველის გამზირის რეაბილიტაცია აქტიურ ფაზაშია
დედაქალაქის მთავარი გამზირის რეაბილიტაცია აქტიურ ფაზაშია, რუსთაველზე უკვე აიყარა გზის საფარი. თავდაპირველად მიწისქვეშა საკომუნიკაციო ქსელები შეიცვლება. რეაბილიტაცია ჩაუტარდება წყალმომარაგების, წყალარინების, სანიაღვრე და გაზმომარაგების ცენტრალურ ქსელებს. ასევე, საჰაერო სადენები განთავსდება მიწისქვეშა საკაბელო არხებში.
დამონტაჟდება მიწისქვეშა ნარჩენშემკრები ურნები. განახლდება გზის სავალი ნაწილი და ტროტუარები, დაიგება ასფალტის საფარი. შეიცვლება გარე განათების ქსელი - დამონტაჟდება თანამედროვე LED-განათების სისტემა. ჩატარდება გამწვანების სამუშაოები.
მოეწყობა მიწისზედა ქვეითთა გადასასვლელები, დამონტაჟდება ახალი საგზაო ნიშნები და დაიხაზება ჰორიზონტალური მონიშვნები. გამზირის ინფრასტრუქტურა სრულად იქნება ადაპტირებული. სამუშაოები ნოემბრის ბოლოს დასრულდება.
იმედი
წყარო: imedinews.ge